Laugavegur 27a og 27b2019-05-21T10:05:57+00:00

Nýjar íbúðir : 34-102 fm

Hverfisgata 40-44 og Laugavegur 27a og 27b (á Brynjureit) eru þrjú ný lyftuhús sem standa á sameiginlegum bílakjallara með innakstri frá Hverfisgötu. Á Hverfisgötu 40-44 eru 49 íbúðir, á Laugavegi 27a eru 13 íbúðir og Laugavegi 27b eru 10 íbúðir. Samtals eru þetta 72 nýjar, glæsilegar íbúðir og nokkur verslunarbil. Allt frá smáíbúðum í þriggja herbergja íbúðir.  Á efstu hæð eru nokkrar tveggja hæða íbúðir með stórum þakgarði þar sem gert er ráð fyrir heitum potti.

Íbúðirnar eru vandaðar og við hönnun þeirra var leitast við að nýta hvern fermetra sem best. Allar íbúðirnar skilast með gólfefnum, innbyggðum ísskáp og innbyggðri uppvottavél og bílastæði fylgja hluta íbúðanna. Staðsetningin er frábær og fyrir þá sem kjósa lífstíl án bíls er staðsetningin tilvalin.  Húsin skapa saman umhverfi sem er í miðpunkti verslunar, afþreyingar og þjónustu í hinu litríka miðborgarlífi.

Á Laugavegi 27a og 27b eru samtals 23 íbúðir, 3 íbúðir á annarri hæð, 11 íbúðir á þriðju hæð og 9 íbúðir á fjórðu hæð. Flestar íbúðirnar á fjórðu hæðinni eru á tveimur hæðum og hafa laufskála og stóran þakgarð á efri hæð íbúðar þar sem gert er ráð fyrir heitum potti.

Afhending er áætluð sumarið 2019.

HAFA SAMBAND